Quiénes somos: A Agrupación de Voluntarios de Protección Civil Unión Peninsular do Grove, ten como finalidade principal a configuración dunha organización en base aos recursos municipais, os propios e á colaboración das entidades privadas, e dos cidadáns, para garantir a coordinación preventiva e operativa respecto da protección de persoas e bens ante os danos producidos polas situacións de grave risco, catástrofe ou calamidade pública, mediante a realización de actividades que permitan evitar as mesmas, reducir os seus efectos, reparar os danos e, no seu caso, contribuír a corrixir as causas produtoras dos mesmos. Ademais, poderá participar, fomentar, e/ou realizar actividades que promovan a convivencia, os dereitos humanos, os valores constitucionais e o voluntariado social, e tamén colaborar de forma directa con entidades consideradas de interese xeral, así como todo tipo de actividades formativas, preventivas e divulgativas para todos os cidadáns. A Agrupación de Voluntarios de Protección Civil do Grove constitúese no ano 1993, por iniciativa dun grupo de persoas, as cales xa forman parte da nosa historia e aos que sempre honraremos con respecto e consideración, xa que seguramente, naquel momento, non eran capaces de imaxinar a transcendencia que tería a Agrupación para O Grove e para todas as persoas ás que esta institución axudou desde entón.