O Arquivo do Reino de Galicia foi creado no ano 1775 por el ?Rei Carlos III coa finalidade de recoller e poñer ao servicio dos cidadáns os documentos xerados pola Real Audiencia de Galicia, o antigo tribunal de xustiza e órgano de Goberno con xurisdicción en toda Galicia creada polos Reis Católicos a partir do ano 1480. O Arquivo é hoxe un centro moderno encargado da recollida, custodia e posta á disposición de todos os cidadáns da documentación de ámbito galego ou provincial xerada por diversos organismos de carácter xudicial e administrativo con sede na provincia da Coruña. As actividades que o Arquivo desenvolven teñen que ver coas funcións que ten asignadas. É dicir: - Recibir transferencias documentais dos organismos administrativos que legalmente están obrigados a remitirlle documentación. - Dar un tratamento técnico aos fondos que recibe e custodia: identificalos, valoralos, organizalos e describilos respectando e reconstruíndo o contexto administrativo en que se produciron. - Conservar fisicamente os fondos, preservándoos do seu deterioro e restaurando aqueles que se achen en mal estado. - Facelos accesibles ás Administracións que os remitiron e aos cidadáns que desexen consultalos, de acordo coas leis que regulan o acceso aos documentos. - Difundir a súa existencia por medio de exposicións, publicacións e visitas escolares.