A quién va dirigido: O fin da asociación é a promoción e realización de todas cantas actividades estean encamiñadas á mellora da calidade de vida das persoas con Síndrome de Down, facendo especial fincapé naquelas dirixidas á integración da vida familiar, escolar, social e laboral, podéndose beneficiar destas actividades tamén as persoas con outra discapacidade. Para a consecución dos nosos fins, a asociación realiza as seguintes actividades: - A creación e promoción de servizos de atención directa, que serven para a atención, formación, promoción da autonomía e integración na sociedade das persoas con Síndrome de Down. - A creación e/ou promoción de tódolos servizos que redunden na formación de quen lle procure os apoios para ou seu desenvolvemento persoal (voluntarios, profesionais, familias, etc). - Prestar apoio psicolóxico ás familias das persoas con Síndrome de Down, especialmente as nais e pais con sobrecargas familiares. - Fomenta-la promoción da muller con Síndrome de Down en tódolos ámbitos. Fomentar todas aquelas políticas de discriminación positiva que promoven a inclusión social en tódolos ámbitos (escolar, familiar, social, laboral, etc.) das mulleres e homes con Síndrome de Down. - Promover e organizar actividades de lecer e tempo libre dirixidas a xóvenes con Síndrome de Down, que fomenten a súa participación na comunidade e xa que logo a súa integración social. Para tal fin, constituirase unha sección xuvenil. - Orientación, asesoramento e información ós pais, titores e/ou gardadores de feito sobre os dereitos, recursos públicos das persoas con Síndrome de Down, ó amparo da lexislación vixente. - Difusión das publicacións, boletíns informativos, carteis, etc. sobre temas de interese relacionados coa descapacidade, o movemento asociativo, temas relacionados coa Asociación en xeral, actividades de sensibilización, etc. - Reivindicación de comportamentos e normas que promoven e sexan compatibles coa dignidade e a debida atención ás persoas con Discapacidade Intelectual, así como a súa denuncia de todas aquelas accións que atenten contra a súa dignidade e dereitos. - Reivindicación ante os organismos. correspondentes da inclusión de programas específicos para as persoas con Síndrome de Down nos servizos de saúde. - Actividades de colaboración con outras entidades e institucións. - Calqueira outra actividade que axude ó cumprimento dos fins.