A Asociación Valponasca xorde no ano 2003 como entidade dinamizadora das iniciativas e proxectos que se desenvolven no campo da intervención social, para intervir e combater situacións de risco, marxinalidade e exclusión social no ámbito da infancia, adolescencia, mocidade. Está tamén aberta ás novas pobrezas que presentan outros colectivos: mulleres, inmigración... As principais finalidades da entidade son: · promoción integral dos nenos, adolescentes e mozos, así como outros colectivos, en situación de necesidades especiais, a través da prevención, a educación, a formación e a promoción social. · desenvolver programas e proxectos que favorezan a atención socioeducativa e formación sociolaboral daqueles colectivos que se atopan en situacións de risco social. · promover a cultural da solidariedade a través dos voluntarios e voluntarias e das actividades de formación, sensibilización e acción. · apostar polo traballo en rede, desde o dialogo, a cooperación, a suma de esforzos, para poder dar respostas de calidade.