Somos unha asociación constituída no ano 1990 e estamos integrados nunha organización non gobernamental chamada Confederación de Centros de Desarrollo Rural (Coceder), á que están adheridos outros 21 centros coma o noso, repartidos pola xeografía rural española. Gozamos de plena independecia na nosa actuación, temos recoñecemento legal e carecemos de fins lucrativos. Estamos no medio rural da comarca de Verín e levamos a cabo un proxecto definido de desenvolvemento integral. Queremos ser un centro de iniciativas tendentes a impulsar e canalizar accións conxuntas coa administración e con outras entidades para a promoción social, educativa e económica do medio rural. Traballamos dende o coñecemento da situación da nosa zona, detectando as potencialidades e os problemas, incidindo en diferentes campos: educación, servizos sociais, formación profesional, formación ocupacional, medio ambiente, promoción socioeconómica, etc. Promovemos a participación activa da poboación local, mediante a cooperación e o voluntariado social. Colaboramos cos concellos e con todas aquelas institucións e entidades públicas ou privadas que traballan no medio rural.