Voluntariado na defensa dos dereitos humanos

Queres ser activista/voluntario/a e non sabes como facelo neste momento tan complicado que estamos a vivir? Somos Amnistía Internacional e levamos moito tempo loitando para defender os dereitos humanos. Se queres axudarnos, podes colaborar con nós a distancia. Nos nosos equipos e grupos de activistas organizamos accións creativas a distancia para actuar polas persoas que sofren violacións dos dereitos humanos. Realizamos labores de sensiblización e difusión, de comunicación, de incidencia política, de educación en dereitos humanos, publicacións en redes sociais, etc. Buscamos persoas que queiran un mundo máis xusto. Persoas que estean dispostas a dedicar un par de horas semanais en tarefas de denuncia, sensibilización e educación en dereitos humanos. As violacións dos dereitos das persoas non descansan durante a pandemia da COVID-19, ao contrario, agrávanse, empeorando as situacións de moitas persoas en todo o mundo. Non deixes que isto continue sen facer nada. Buscamos xente como ti! Non deixes de contactarnos para informarte.