CURSO: SEXUALIDADE E PERSOAS CON DISCAPACIDADE INTELECTUAL OU DO DESENVOLVEMENTO
CURSO: SEXUALIDADE E PERSOAS CON DISCAPACIDADE INTELECTUAL OU DO DESENVOLVEMENTO
A sexualidade é unha dimensión fundamental da vida humana, tamén das persoas con discapacidade intelectual ou do desenvolvemento.
Conscientes da importancia de ofrecer apoios e recursos de calidade neste ámbito, desde FADEMGA Plena inclusión Galicia poñemos en marcha a formación: “Sexualidade e persoas con discapacidade intelectual ou do desenvolvemento. Boas prácticas e recursos para acompañar e prestar apoios ao desenvolvemento afectivo-sexual e socio-relacional”.
A acción formativa, cunha duración total de 10 horas, busca:
- Achegar unha comprensión máis ampla do feito sexual humano e das diversidades ao longo do ciclo vital.
- Facilitar estratexias para acompañar o desenvolvemento afectivo-sexual e socio-relacional das persoas con discapacidade intelectual ou do desenvolvemento.
- Dotar de competencias e habilidades para afrontar situacións cotiás nos diferentes contextos de interacción social.
A formación estará impartida por Natalia Rubio Arribas, psicóloga, sexóloga, pedagoga e mestra en Educación Especial, ademais de presidenta da Asociación Estatal Sexualidade e Discapacidade.
A quen vai dirixida?
Está pensada para profesionais que traballan con persoas con discapacidade intelectual ou do desenvolvemento en entidades federadas e non federadas, persoal da administración pública, persoas voluntarias e público xeral interesado.
O número máximo de prazas é de 30.
Datas e formato
O curso desenvolverase en tres sesións:
- 9 de outubro (online, 10:00–12:15 h).
- 23 de outubro (online, 10:00–12:15 h).
- 6 de novembro (presencial en Santiago de Compostela, 10:30–14:00 h e 16:00–18:00 h).
A sesión presencial terá lugar no edificio da Asociación da Área Empresarial do Tambre (AAET).
Custos e inscrición
10 € para profesionais de entidades federadas a FADEMGA.
15 € para o resto de participantes.
O prezo inclúe a formación e un café de media mañá na sesión presencial (o xantar non está incluído).
As inscricións poden realizarse en liña ata o 23 de setembro a través desta ligazón.
A confirmación de praza comunicarase o 24 de setembro.
O pagamento deberá realizarse antes do 1 de outubro, enviando o xustificante a sexualidade@fademga.org .
