O novo programa de voluntariado Mocidade no Camiño do Litoral comeza esta fin de semana no albergue xuvenil de Gandarío (Bergondo). Trátase dun programa de voluntariado ambiental que vos permitirá protexer e coñecer o excepcional litoral galego a través do percorrido do Camiño do Litoral, a gran senda que conecta a costa de Galicia desde Ribadeo ata A Guarda.
Lembrade que se trata dun programa totalmente gratuito que se desenvolve en quendas de fin de semana (de venres ás 18:00 h ata o domingo á 14:00 h) no albergues de Gandarío, As Sinas e A Devesa. Inclúe aloxamento, manutención, formación e actividades a cargo de persoal especializado.
En cada quenda poderán participar ata 15 persoas voluntarias de idades comprendidas entre os 18 e os 35 anos, que terán que chegar aos albergues polos seus propios medios.
Tedes toda a información e a programación desta primeira edición na nosa web https://voluntariadogalego.org/novas/programa-de-voluntariado-ambiental-mocidade-no-camino-do-litoral-1a-edicion