O Concello de Maceda está situado no interior da provincia de Ourense, considerándose como de alta montaña. Conta cunha extensión de 102 km2, na que se distribúe unha poboación de 3.367 habitantes repartidos en 52 núcleos de poboación. A Oficina Municipal de Voluntariado de Maceda nace no ano 2002 co fin de crear un tecido social solidario participativo e sensible coas diferentes necesidades da poboación mediante a colaboración nas accións e servicios das diferentes concellarías, estendendo este ámbito de actuación a outras iniciativas que poidan xurdir na zona. Dende a súa inauguración, 6 voluntarios colaboraron en diferentes momentos en actividades que se levaron a cabo durante este tempo. Neste ano 2007 contamos xa con 37 que participan en actividades das seguintes áreas que a continuación se indican: 1.- Área de Cultura (Concellaría de Cultura). · Colaboración na realización (organización, difusión, etc...) do Concurso para Cartel de Voluntariado organizado entre os nenos dos distintos colexios de Maceda. · Proxección de películas para aproveitamento de ocio e tempo libre durante as vacacións escolares. 2.- Área de Servicios Sociais (Concellaría de Servicios Sociais). · Colaboración coa oficina de Servizos Sociais nos programas destinados a 3ª idade: acompañamento, colaboración no tema de teleasistencia domiciliaria, etc. E tamén participación en actividades destinadas á muller, etc.