AFA Viveiro nace no 2005 pola necesidade dun grupo de familiares de enfermos de recibir información e apoio nunha época na que a enfermidade de Alzhéimer vai en aumento.

A poboación destino de traballo de dita asociación está ubicada no Concello de Viveiro e concellos limítrofes.

O traballo que se realiza dende a Asociación de familiares de enfermos de Alzhéimer de Viveiro está destinado a mellorar a calidade de vida dos enfermos de Alzhéimer que residen no Concello de Viveiro e arredores, así como a das súas familias, proporcionando un respiro familiar.

Esta asociación conta con obxectivos a cubrir; entre os que están:

Manter nos usuarios desta asociación o maior grao de autonomía persoal, así como conservar o maior tempo posible as funcións cognitivas superiores conservadas e mellorar as deterioradas.

Evitar o illamento do enfermo potenciando as relacións e actividades sociais gratificantes.