ADO nace o 23 de Setembro de 2010 en Ourense, froito da necesidade dun grupo de persoas con Discapacidade Intelectual xunto coas súas familias, co obxectivo de facer respectar os seus dereitos e de formar parte activa da sociedade. Así, coa denominación A.D.O, Asociación de persoas con discapacidade de Ourense, constitúese unha ASOCIACIÓN ao amparo da Lei Orgánica 1/2002, de 22 de marzo, e normas complementarias, con capacidade xurídica e plena capacidade de obrar, carecendo de ánimo de lucro. A Asociación ADO ten o seu domicilio social na Rúa García Mosquera, 17-Baixo da cidade de Ourense. Así mesmo, ADO forma parte do Rexistro Provincial de Asociacións da Comunidade Autónoma de Galicia con número de rexistro 2010/014638-1 (OU). Tras o nacemento de ADO, esta contaba cun total de 16 usuarios, e na actualidade conta con: 22 Usuarios/as (dende etapa infantil á etapa adulta) 38 Socios Numerarios 28 Socios Colaboradores