Entidade

A Asociación Parkinson Galicia-Coruña, foi constituída en 1996 por un grupo de enfermos e familiares dirixido polo Dr. Manuel Romero, médico neurólogo e enfermo.

MISIÓN:

Mellorar a calidade de vida das persoas con párkinson e parkinsonismos e das súas familias, ofrecendo unha atención integral, especializada e centrada na persoa, promovendo ademais a sensibilización, a formación e o traballo en rede.

VISIÓN:

Ser unha entidade de referencia na atención e no acompañamento ás persoas con párkinson e parkinsonismos e ás súas familias, recoñecida pola súa profesionalidade, proximidade, calidade humana e compromiso social.

Aspiramos a ampliar o noso alcance e o noso impacto social, consolidando un modelo de atención integral e centrado na persoa, e fortalecendo a coordinación con outras entidades e co sistema sociosanitario.

VALORES:

• Humanización da atención
• Confianza profesional e ética
• Compromiso e responsabilidade
• Excelencia profesional
• Respecto pola persoa e pola súa autonomía
• Apoio social

QUE FACEMOS? 

A nosa proposta inclúe rehabilitación física, estimulación da fala e a comunicación, apoio psicolóxico e asesoramento social. Cada persoa recibe o acompañamento que necesita, dentro dun enfoque profesional, próximo e adaptado ás súas circunstancias.