O Padroado Concepción Arenal- constitúese no ano 1906 co fin principal de dar acollida a mulleres en dificultade social nun centro de acollida e inclusión. O centro do Padroado Concepción Arenal configúrase como un centro de acollida e inclusión especializado de carácter asistencial, de protección e de promoción da muller, cuia finalidade é acoller temporalmente a mulleres, soas ou acompañadas dos seus fillos/ás, que sofren situación de violencia e/ou exclusión social, co obxecto de prestarlles unha atención psicolóxica, social e xurídica, a través dos propios recursos do patronato, de recursos municipais e doutras institucións colaboradoras Trátase dunha entidade sen ánimo de lucro, sita en Ferrol, con personalidade xurídica propia, e inscrita no rexistro de Entidades Prestadoras de Servizos Sociais con número E-2039.