UNHA ENTIDADE QUE TEN COMO FINS:

A promoción de Mecanismos de Participación e Inclusión Social para persoas que pertenzan a Colectivos en Situación de Desvantaxe por razóns físicas, sociais, étnicas, económicas, culturais e calquera outras de similar natureza.

O fomento de actividades culturais, educativas, de expresión artística, actividade física e lecer saudable. Estas accións estarán dirixidas a poboación con diversidade funcional ou non; co obxectivo de facilitar o proceso de normalización social actuando promotores de valores, actitudes e comportamentos integradores.

A contribución activa á mellora nas condicións de vida dos adult@s e nen@s residentes en países en vías de desenvolvemento. Prioritariamente en territorio Africano, Iberoamericano e Asiático. Especificamente, mellorar a atención, visibilidade e condicións de vida das persoas refuxiadas ou en situación de migración forzosa.