Xornada de "Saúde mental e discapacidade intelectual”
Xornada de "Saúde mental e discapacidade intelectual”
A asociación ASPANANE e FADEMGA Plena inclusión Galicia, estamos a organizar a 5ª edición da "Xornada sobre discapacidade intelectual e saúde mental", na que convidamos a participar a profesionais, familias e público en xeral, co fin de aprender e promover unha reflexión sobre o proceso de envellecemento do colectivo e o tipo e atención integral que precisa.
O encontro terá lugar o vindeiro 7 de febreiro no Salón de Actos do Hospital da Costa de Burela, e busca ofrecer unha visión multidisciplinar sobre os aspectos máis relevantes da saúde e o envellecemento en persoas con discapacidade intelectual, así como compartir experiencias e boas prácticas para o acompañamento e coidado en todas as etapas da vida.
Entre as poñencias que poderemos escoitar cabe destacar a xeriatría como especialidade para coidar a saúde das persoas con discapacidade intelectual, os retos asociados a atención do colectivo ou aspectos clave para a saúde mental das persoas con discapacidade intelectual entre outras.
Aquelas persoas interesadas en participar, podedes achegarnos a vosa inscrición a través deste formulario. (Prazo aberto ata o 31 de xaneiro)
A inscrición é gratuíta ata completar aforo.