Quen somos: A Federación de Asociacións de Persoas con Discapacidade da Provincia de Pontevedra (COGAMI Pontevedra) traballa para acadar a plena inclusión das persoas con discapacidade en tódolos ámbitos da sociedade, a través da defensa e promoción dos seus dereitos, da reivindicación do cambio social e da prestación de servizos que satisfagan as súas necesidades e expectativas. A Federación está formada por 16 asociacións membro, presentes en diferentes puntos da provincia: Vigo, Pontevedra, Redondela, Vilagarcía de Arousa, Mos, Tomiño, Ponteareas, O Grove e Cuntis.