AFAMON é unha asociación sen ánimo de lucro creada no ano 2001 por un grupo de familiares que tiñan ó seu cargo algunha persoa coa enfermidade de alzheimer ou outro tipo de demencia. A finalidade de AFAMON é traballar en favor das persoas afectadas por algunha demencia e dos seus familiares. Entre os obxectivos que perseguimos están os seguintes: 1. Prestar asistencia psicolóxica e social ós familiares e enfermos con demencias. 2. Proporcionar información e asesoramento aos familiares e coidadores dos enfermos en materia legal, social e de saúde. 3. Promover accións que faciliten a sensibilización social sobre a problemática do alzheimer e as demencias. 4. Elaborar e realizar programas de actividades que respondan ás necesidades dos familiares e dos enfermos.