No eido da cooperación internacional traballamos na axuda solidaria ao Barrio Palestina de Al Hoceima (Marrocos), nos aspectos de educación, creación de emprego (especialmente para as mulleres con cargas familiares) e na sanidade. No eido local de Cambre, facémolo a través de programas de voluntariado. Non temos persoal asalariado. Actualmente temos en marcha unha serie de programas. Nos colexios traballamos na prevención da violencia, na formación de equipos de mediación e na sensibilización para a tolerancia. No eido da inmigración temos en marcha programas de mediación intercultural e clases de linguas. Por último, outra serie de programas de voluntariado ofértanse en función da dispoñibilidade de voluntarios: talleres de crecemento persoal, consultorio de flores de Bach, taller de iniciación á guitarra, etc.