A Fundación Amigos de Galicia é unha entidade sen fins lucrativos (Ley 49/2002) tal e como se mostra nos seus Estatutos, rexistrada coma Entidade Prestadora de Servizos Sociais nº E-2199. Tamén está rexistrada como organización Non Gubernamental para o Desenvolvemento E-19 no Rexistro Galego de Axentes de Cooperación, no Rexistro de Entidades de Interese Galego co nº 28 (1995/5), e acollida á Lei de Mecenado e no Rexistro de Entidades Culturais co nº 36. A Entidade conta coa Axencia de Colocación aprobada pola Xunta de Galicia, con número de Expediente 2012/017 e Número de Identificación 1200000013. Cabe destacar que as contas da Entidade están auditadas pola empresa Galicontrol, S.L. A Fundación Amigos de Galicia desenvolve as súas actividades no territorio da Comunidade Autónoma de Galicia principalmente, realizando accións puntuais tanto en España coma no estranxeiro. As principais liñas de actuación son: - A loita contra a pobreza e a exclusión social. - A protección da infancia. - Impulso do emprego digno. - Proxecto integral para mulleres en situación de vulnerabilidade ou violencia de xénero. - Programas dirixidos ao colectivo migrante. - Programas para situacións de emerxencia en Galicia. - Campas de recollida de tapóns de plástico. - Programas de cooperación nacional e internacional. - Promoción da cultura e gastronomía a través do patrocinio de premios.