A Fundación EU SON é unha entidade sen ánimo de lucro creada coa finalidade de proporcionar asistencia social a persoas con discapacidade intelectual en idade laboral cuxa discapacidade temporal ou permanente lles impida a súa integración nunha empresa ou nun Centro Especial de Emprego, prestando funcións tutelares, asistenciais, ocupacionais e en xeral calquera tipo de actividades formativas ou educacionais tendentes a mellorar a calidade de vida das persoas beneficiarias e familias. Para a consecución destes fins a Fundación pode realizar as seguintes actividades: ?Actividades ocupacionais ?Ocio e actividades lúdicas en xeral ?Actividades terapéuticas cando procedan ?De tutela do/as incapacitados/as nos casos en que lle sexa atribuída por resolución xudicial ou por disposición testamentaria. ?No seu caso, a garda e acollemento dos/as beneficiarios/as da Fundación.