ASOTRAME, Asociación Galega de Afectados por Transplantes Medulares, nace no ano 2.013 co obxectivo fundamental de mellorar a calidade de vida das persoas transplantadas de médula ósea, de aquelas que se atopan inmersas no proceso dun cancro hematolóxico, dos seus familiares, e, por ende, do conxunto da sociedade. Para isto, basea as súas liñas de actuación en tres obxectivos fundamentais, recollidos nos estatutos da entidade: - Colaborar en proxectos de investigación acerca do cancro hematolóxico - Informar e sensibilizar ó conxunto da poboación en todo o relacionado coa doazón de médula ósea - Proporcionar información, asesoramento e soporte emocional a pacientes con cancro hematolóxico e familiares