ASPERGA (Asociación Galega de Asperger) nace no 2006, ano no que comezamos a tecer, dentro do ámbito do TEA, unha rede de familias e persoas coa Síndrome de Asperger co obxectivo de lograr a mellora da súa calidade de vida e un futuro de plena inclusión social.

Actualmente temos dous centros sociosaniatrios, un na cidade de A Coruña e outro na cidade de Santiago de Compostela. Desde estes centros, equipos multidisciplinares de profesionais especialistas en TEA (de áreas da Psicoloxía, Logopedia, Terapia Ocupacional, Pedagoxía, Traballo Social, Orientación Laboral, Lecer e Tempo libre) proporcionan atención especializada e orientación ás persoas afectadas por trastorno do espectro autista (TEA) e ás súas familias.

Os fins que persegue ASPERGA son:

• Promover a sensibilización e concienciación social da sociedade en xeral acerca da problemática das persoas con TEA e a súas familias.

• Favorecer e mellorar a súa autonomía a través de diversas intervencións individuais e grupais realizados a través de programas específicos.

• Representar e defender os intereses das persoas con TEA e as súas familias.