A Asociación de familiares de enfermos de Alzheimer e outras demencias de Fisterra e Soneira (AFAFeS) foi constituída o 1 de Outubro de 2016 como unha entidade sen ánimo de liucro. Os seus fundadores foron un grUpo de familiares de persoas con enfermidade de Alzheimer ou outros tipos de demencias.

A Asociación ten como misión impulsar a atención integral e especializada das persoas con demencia mediante a planificación, organización e coordinación de programas e servizos de apoio para a atención das súas necesidades e as das súas familias.

Afafes está inscrita no rexistro de asociacións da Xunta de Galicia co número 2026/0208991. No Rexistro unificado de entidades prestadoras de servizos sociais, RUEPSS co número E6839, e foi declarada de utilidade pública por Orde de 8 de Xullo de 2022.

Afafes está asociada a Federación Galega de Alzheimer FAGAL.