Abre a matrícula dos cursos do segundo semestre do Plan de Formación da Dirección Xeral de Xuventude 2026

Área de voluntariado

A formación destinada ao voluntariado ten como obxectivo proporcionar coñecementos teóricos e prácticos tanto ás persoas voluntarias, como ao persoal técnico das entidades. Ao longo deste segundo semestre abordaranse temáticas como:

• Voluntariado ambiental (deseño e planificación de proxectos, coidado do patrimonio, control da flora exótica invasora, emerxencias e contaminación mariña, técnicas de educación ambiental)

• Educación emocional

• Lingua de signos

• Habilidades sociais e participación

• Diversidade e inclusión

• Xestión de catástrofes e incidentes con múltiples vítimas

Área de xuventude

A oferta diríxese a profesionais do lecer educativo, persoal técnico que traballa coa mocidade e á propia xuventude interesada en ampliar competencias. Os cursos deste área neste segundo semestre versarán sobre:

• Técnicas de comunicación e oratoria

• Aplicación da intelixencia artificial

• Inclusión no lecer

Requisitos de participación

Poderán inscribirse a este cursos persoas maiores de 16 anos interesadas en adquirir formación especializada en acción voluntaria ou asociacionismo xuvenil, sempre atendendo ás condicións específicas de cada curso. As prazas asignaranse por orde de inscrición, seguindo os criterios establecidos, e teranse en conta as penalizacións individuais de cada persoa, no caso de habelas.

Inscrición e acceso ao campus

Os formularios de inscrición, un por cada curso, estarán dispoñibles no campus en liña de voluntariadogalego.org a partir das 09:00 h do 29 de xuño, e permanecerán accesibles ata completar as prazas.

Para acceder á plataforma:

• As persoas xa rexistradas deberán introducir o seu nome de persoa usuaria e contrasinal para formalizar a matrícula.

• Quen acceda por primeira vez deberá crear unha conta antes de solicitar a inscrición (o manual do alumnado está dispoñible no propio campus).

Información adicional necesaria

No momento de cubrir a inscrición será preciso indicar:

• Se se pertence a unha entidade de acción voluntaria, de lecer educativo ou de tempo libre.

• Se se dispón da titulación oficial de monitorado de tempo libre.

Estes datos deben incorporarse no apartado “outros datos” do perfil da persoa usuaria.

Cadro de cursos: