Plan de formación Anual da Dirección Xeral de Xuventude 2026. Voluntariado Ambiental Interxeracional-VAI

A matrícula para o resto dos cursos incluídos na oferta formativa de 2026 abrirase nas vindeiras semanas.

Poderán participar nestas primeiras 5 accións formativas todas as persoas maiores de 18 anos interesadas en adquirir coñecementos especializados en materia de acción voluntaria, segundo os requisitos específicos establecidos para cada curso.

As prazas asignaranse por rigorosa orde de inscrición, conforme aos criterios anteriormente indicados.

Os formularios de inscrición (un por curso) estarán dispoñibles no campus en liña da páxina web de Voluntariado (www.voluntariadogalego.org) a partir do 16 de febreiro, e permanecerán abertos ata que se cubran as prazas ofertadas.

Para acceder á plataforma de teleformación, o alumnado que xa teña conta deberá introducir o seu nome de persoa usuaria e contrasinal para formalizar a matrícula nos cursos desexados. Quen acceda por primeira vez deberá crear unha conta antes de solicitar a inscrición (pódese consultar o manual do alumnado dispoñible no campus).

No momento de realizar a inscrición, é importante indicar se se pertence a algunha entidade de acción voluntaria, de ocio educativo ou de tempo libre, así como se se posúe titulación oficial de monitorado de tempo libre. Estes datos deben especificarse no apartado “outros datos” dentro do perfil de persoa usuaria.