O Plan está conformado por 6 cursos en liña, cun total de 630 prazas, orientados á formación específica en materia de voluntariado nas seguintes áreas: nocións básicas de voluntariado, competencias en materia de voluntariado, lingua de signos, formación en igualdade para prevención e afrontamento da violencia de xénero, voluntariado ambiental e voluntariado dende os centros educativos.

Poderán participar nas accións formativas convocadas as persoas maiores de 16 anos que teñan interese en obter coñecementos especializados en materia de acción voluntaria. O número máximo de cursos que se poden solicitar do total dos ofertados durante o prazo de presentación de solicitudes limítase a dous. Así mesmo, aquelas persoas que obtiveron praza e superaron o curso en anteriores edicións non teñen a posibilidade de anotarse a esta nova convocatoria nos mesmos cursos xa superados, podendo escoller calquera outro dispoñible.

As prazas a cada un dos cursos outorgaranse por rigorosa orde de inscrición. Os formularios de inscrición (un por cada curso) estarán dispoñibles no campus en liña da páxina web de Voluntariado (www.voluntariadogalego.org) desde as 12.00 horas do luns 4 de outubro . O prazo de inscrición permanecerá aberto ata cubrir as prazas ofertadas en cada un deles.

Para acceder á plataforma de teleformación de voluntariadogalego.org o alumnado que xa realizou cursos con anterioridade nesta plataforma debe seguir as indicacións que se lle enviaron ao correo electrónico. As persoas que accedan por primeira vez e aínda non teñan conta de usuario creado na plataforma de teleformación terán que introducir os seus datos a través do espazo “ACCEDER” da parte superior da plataforma e cubrir a correspondente ficha. Unha vez subscritos xa poderán acceder á plataforma e solicitar praza naqueles cursos nos que teñan interese (máximo 2).