A través deste encontro entre entidades e persoas voluntarias de toda Galicia quérese trasladar a toda a sociedade a forza que ten a acción voluntaria para mellorar e transformar a realidade e animar a todas as persoas a sumarse a actividades solidarias.

E para iso elaborouse un programa amplo e variado de relatorios e actividades para dar a coñecer e debater sobre os diferentes ámbitos de actuación do voluntariado. Un programa no que tamén haberá tempo para intercambiar experiencias, boas prácticas e aprender destas, e no que as persoas voluntarias serán as protagonistas e o fío condutor durante todo o Congreso.

Dentro das actividades programadas estará a entrega dos Premios Galicia de Acción Voluntaria 2021.