Quen somos: Galicia Terra de Acollida xorde do compromiso de varios mozos coa problemática crecente do fenómeno migratorio, estando formada na súa maioría por titulados universitarios aos que se xuntaron inmigrantes co paso dos meses. Aínda que a acta constituínte se asinou en decembro de 2002, a emisión do CIF - e polo tanto o nacemento xurídico - de Galicia Terra de Acollida prodúcese no mes de abril do ano seguinte. Esta ONG ten como obxectivo primordial o desenvolvemento de actividades que, cunha perspectiva de intervención integral, redunden nun maior benestar do colectivo de inmigrantes e emigrantes retornados, o noso sector de actuación. Isto implica que o espectro de acción social comprenda áreas como a axuda asistencial, a incorporación social, o fomento da interculturalidade?