Entidade

O Fondo Galego de Cooperación e Solidariedade está integrado por un cento de concellos e mais as deputacións da Coruña, Pontevedra e Lugo, que concentran a través desta rede os seus esforzos no eido da cooperación ao desenvolvemento. Desde a súa fundación en 1997, a asociación impulsou uns 170 proxectos en 32 países, entre os que destacan Cabo Verde, Nicaragua, Cuba, Perú e, na actualidade, Mozambique e Guinea-Bissau. Ao tempo, promove numerosas actividades e materiais para sensibilizar á cidadanía galega a prol da solidariedade internacional e a Axenda 2030.