Accem é unha ONG que proporciona atención e acollida a refuxiados e inmigrantes en España, promovendo a inserción e a igualdade de dereitos e deberes de todas as persoas sexa cal sexa a súa orixe, sexo, raza, relixión ou grupo social. Traballamos mediante programas e proxectos que responden á necesidade de proporcionar atención, acollida, formación e inserción socio-laboral a refuxiados e inmigrantes con especial atención cara aos máis vulnerables: menores non acompañados, mulleres e minorías étnicas. O traballo que desempeñan os voluntarios é un dos alicerces da nosa organización. Accem traballa na consolidación dos equipos de voluntariado e na súa orientación, xestión e promoción.