VOLUNTARIADO MIÚDO

A Dirección Xeral de Xuventude,Participación e Voluntariado puxo en marcha no ano 2016 un novo programa de voluntariado na educación primaria, que xunto cos programas Pasaporte Solidario e Rede de Centros escolares Solidarios completa o ciclo da formación en materia de voluntariado na educación obrigatoria e bacharelato.

O proxecto VOLUNTARIADO MIÚDO pretende ser un instrumento para a formación integral do alumnado de educación primaria ao redor dos valores asociados ao voluntariado e á solidariedade.

Os obxectivos principais do programa son:

A inmersión nos valores solidarios e na acción voluntaria dende o comezo da etapa educativa obrigatoria.
O traballo dos valores solidarios dende un contexto lúdico empregando a música como un mecanismo motivacional.

Co fin de acadar os obxectivos propostos deseñouse un proxecto en base á canción “Móvete” de Paco Nogueiras, canción que se empregará como instrumento didáctico inspirador dunha parte do proxecto, e que servirá de reforzo aos nenos e nenas implicados.

Os centros que participaron o pasado curso 2024-2025 no programa foron:

- CPR Luis Vives (Ourense)

- CEIP Juan Fernández Latorre ( A Coruña)

- CEIP Os Casais (Fene)

- CPI plurilingüe Cernadas de Castro (Lousame)

- CEIP plurilingüe María Barbeiro e Cerviño ( A Coruña)

- CPR plurilingüe Divina Pastora (Ourense)

- CEIP Manuel Luis Acuña (Ourense)

- CEIP Plurilingüe Santo Estevo de Parga (Guitiriz)

- CEIP Mestre Valverde Mayo (Mos)

- CEIP Plurilingüe Calvo Sotelo (O Carballiño)

- CEIP Plurilingüe do Camiño Inglés (Oroso)