VOLUNTARIOS UNIVERSIDADES
RECOÑECEMENTO ACADÉMICO DAS EXPERIENCIAS VOLUNTARIAS NAS TRES UNIVERSIDADES GALEGAS

En virtude do convenio de colaboración asinado coas tres universidades galegas (Santiago de Compostela, A Coruña e Vigo) os programas de voluntariado promovidos pola Consellería de Política Social e Xuventude terán recoñecemento académico mediante o sistema de créditos establecido no Real Decreto 1125/2003, do 5 de setembro, polo que se establece o sistema europeo de créditos e o sistema de cualificacións nas titulacións universitarias de carácter oficial. O obxectivo é seguir enriquecendo o currículo académico do alumnado a través da formación transversal que achega, neste caso a través da acción voluntaria como competencia clave para impulsar o futuro laboral da mocidade.

banner
PASAPORTE SOLIDARIO

No curso 2019-2020, unificamos, dentro do Plan Proxecta, todas as accións vinculadas ao ámbito da acción voluntaria que temos desde a Consellería de Política Social baixo a denominación Voluntariado Educativo. Con esta medida buscamos concentrar e favorecer a creación dun itinerario formativo completo neste ámbito, coa finalidade de promover os valores da solidariedade, a participación e o voluntariado, favorecendo que o alumnado adquira un compromiso e implicación social a través dunha metodoloxía activa e participativa, coñecedora da realidade na que se integra.

PROGRAMAS VOLUNTARIADO
Queres ser unha persoa voluntaria? Explora as oportunidades que ofrece a Xunta de Galicia.

Por que ser voluntario/a?

1. Fainos sentir mellor con nós mesmos/as.

2. Alimenta a creatividade.

3. Aumenta o grao de motivación e de autoestima.

4. Acrecenta o sentimento de pertenza.

5. Aporta habilidades de traballo en equipo.

6. Mellora as nosas capacidades profesionais.

7. Dá acceso ao Certificado de Experiencias Voluntarias, cada vez máis valorado no mercado laboral.

Voluntariado Miúdo
VOLUNTARIADO MIÚDO

A Dirección Xeral de Xuventude,Participación e Voluntariado puxo en marcha no ano 2016 un novo programa de voluntariado na educación primaria, que xunto cos programas Pasaporte Solidario e Rede de Centros escolares Solidarios completa o ciclo da formación en materia de voluntariado na educación obrigatoria e bacharelato.

O proxecto VOLUNTARIADO MIÚDO pretende ser un instrumento para a formación integral do alumnado de educación primaria ao redor dos valores asociados ao voluntariado e á solidariedade.

PROGRAMA - REDE DE CENTROS ESCOLARES SOLIDARIOS
REDE DE CENTROS ESCOLARES SOLIDARIOS

O programa Rede de Centros Escolares Solidarios é unha iniciativa da Dirección Xeral de Xuventude, Participación e Voluntariado que pretende descubrir o voluntariado ao alumnado de educación secundaria, bacharelato, formación profesional e de adultos de Galicia e animalos a comprometerse. Actualmente a este programa os centros educativos poden inscribirse a través do Plan Proxecta.

PROGRAMA DE BIBLIOTECAS ESCOLARES SOLIDARIAS - VOLUNTARIADO DE LECTURA-A
PROGRAMA DE BIBLIOTECAS ESCOLARES SOLIDARIAS - VOLUNTARIADO DE LECTURA-A

A Dirección Xeral de Xuventude, Participación e Voluntariado en colaboracion coa Dirección Xeral de Centros e Recursos Humanos dá Consellería de Cultura, Educación e Ordenación Universitaria colaboran na realización do programa BIBLIOTECAS ESCOLARES SOLIDARIAS.

logo voluntariado dixital
VOLUNTARIADO DIXITAL

O programa Voluntariado Dixital promovido pola AMTEGA (Axencia para a modernización tecnolóxica de Galicia) en colaboración coa Consellería de Política Social, ten como obxectivo achegar as novas tecnoloxías a unha maior porcentaxe da poboación, favorecendo a inclusión dixital de toda a cidadanía.