XUNTOS E VOLUNTARIOS NO NADAL 2022
A Consellería de Política Social e Xuventude organiza, un ano máis, o programa “Xuntos polo Nadal”, que volve abrirse á participación de persoas voluntarias.
O obxectivo deste programa é que as persoas maiores que vivan soas poidan pasar acompañadas as festas do Nadal. A convocatoria de 2022 conta con 540 prazas repartidas entre as dúas residencias de tempo libre (RTL) coas que conta a Consellería de Política Social e Xuventude
1. A RTL de Panxón, situada no concello de Nigrán, na provincia de Pontevedra, con 260 prazas en dúas quendas.
2. E RTL do Carballiño, situada na provincia de Ourense, con 280 prazas divididas entre dúas quendas.
Queres ser unha persoa voluntaria? Explora as oportunidades que ofrece a Xunta de Galicia.
Por que ser voluntario/a?
1. Fainos sentir mellor con nós mesmos/as.
2. Alimenta a creatividade.
3. Aumenta o grao de motivación e de autoestima.
4. Acrecenta o sentimento de pertenza.
5. Aporta habilidades de traballo en equipo.
6. Mellora as nosas capacidades profesionais.
7. Dá acceso ao Certificado de Experiencias Voluntarias, cada vez máis valorado no mercado laboral.
XUNTOS E VOLUNTARIOS NO NADAL 2021
A Dirección Xeral de Xuventude, Participación e Voluntariado colabora, por noveno ano consecutivo, coa Dirección Xeral de Maiores e Persoas con Discapacidade no programa “Xuntos polo Nadal” que organiza esta última.
O obxectivo deste programa é que as persoas maiores que vivan soas poidan pasar acompañadas as festas do Nadal. Con esta finalidade ofertanse 526 prazas,246 na Residencia de Tempo Libre do Carballiño (Ourense) e 280 na de Panxón en Nigrán (Pontevedra)
Este programa vaise desenvolver nas datas comprendidas entre o 22 de decembro de 2021 e o 7 de xaneiro de 2022, e as persoas maiores terán aloxamento e manutención en réxime de pensión completa, en habitación compartida, durante os días que dura o programa.
O Teléfono do Voluntariado refórzase como Teléfono Social para o acompañamento e apoio á cidadanía ante a pandemia do coronavirus
Debido á actual situación de emerxencia sanitaria, o actual teléfono do voluntariado (900 400 800), dependente da Consellería de Política Social, funcionará tamén como un teléfono social. O obxectivo é proporcionar acompañamento e apoio aos cidadáns que o precisen, priorizando aquelas chamadas que alerten de situacións de vulnerabilidade ou emerxencia social.
Programa Acompañamento nos Hospitais e Centros de Saúde de Galicia
O Programa Acompañamento nos Hospitais e Centros de Saúde, impulsado pola Consellería de Política Social e a Consellería de Sanidade é un proxecto de humanización que consiste na realización por persoas voluntarias de activades de acompañamento e apoio á información aos usuarios/as e visitantes que reciben asistencia sanitaria nalgún centro público do Servizo Galego de Saúde .Estas accións voluntarias realizanse dentro dos diferentes programas executados pola persoa designada polas distintas áreas sanitarias para desenvolver activades de humanización dos hospitais e centros de saúde implicados.
O obxectivo principal do programa é mellorar a experiencia do paciente no contacto coa asistencia sanitaria e o enriquecemento persoal das persoas voluntarias que facilitan o benestar persoal das persoas usuarias.
Xuntos e voluntarios no Nadal 2020
A Dirección Xeral de Xuventude, Participación e Voluntariado colabora, por oitavo ano consecutivo, coa Dirección Xeral de Maiores e Persoas con Discapacidade no programa “Xuntos polo Nadal” que organiza esta última.
PROGRAMA DE VOLUNTARIADO PARA PERSOAS CON ALZHÉIMER
No Ano Gallego do Alzhéimer, a Dirección Xeral de Mocidade, Participación e Voluntariado e a Dirección Xeral de Maiores e Persoas con Discapacidade puxeron en marcha esta iniciativa co obxectivo de mellorar a calidade de vida das persoas que padecen a enfermidade de Alzhéimer e das súas familias e coidadores.
