A Dirección Xeral de Xuventude,Participación e Voluntariado puxo en marcha no ano 2016 un novo programa de voluntariado na educación primaria, que xunto cos programas Pasaporte Solidario e Rede de Centros escolares Solidarios completa o ciclo da formación en materia de voluntariado na educación obrigatoria e bacharelato.

O proxecto VOLUNTARIADO MIÚDO: MÓVETE pretende ser un instrumento para a formación integral do alumnado de educación primaria ao redor dos valores asociados ao voluntariado e á solidariedade.

O programa Rede de Centros Escolares Solidarios é unha iniciativa da Dirección Xeral de Xuventude, Participación e Voluntariado que pretende descubrir o voluntariado ao alumnado de educación secundaria, bacharelato, formación profesional e de adultos de Galicia e animalos a comprometerse. Actualmente a este programa os centros educativos poden inscribirse a través do Plan Proxecta.

A Dirección Xeral de Xuventude, Participación e Voluntariado e a Secretaría Xeral de Cultura, a través da Subdirección Xeral de Bibliotecas, teñen en marcha esta iniciativa co obxectivo de responder a unha demanda social e incorporar voluntarios/as á rede de bibliotecas públicas de Galicia.

No Ano Gallego do Alzhéimer, a Dirección Xeral de Mocidade, Participación e Voluntariado e a Dirección Xeral de Maiores e Persoas con Discapacidade puxeron en marcha esta iniciativa co obxectivo de mellorar a calidade de vida das persoas que padecen a enfermidade de Alzhéimer e das súas familias e coidadores. 

A Dirección Xeral de Xuventude, Participación e Voluntariado en colaboracion coa Dirección Xeral de Centros e Recursos Humanos dá Consellería de Cultura, Educación e Ordenación Universitaria colaboran na realización do programa BIBLIOTECAS ESCOLARES SOLIDARIAS.

A Dirección Xeral deXuventude, Participación e Voluntariado ten en marcha un programa de voluntariado nos Espazos Xove da Rede Galega de Centros Xuvenís para persoas maiores de 18 anos. 

O Hospital Psiquiátrico de Conxo de Santiago de Compostela necesita persoas voluntarias para levar a cabo o seu programa de voluntariado que ten por beneficiarios ás persoas ingresadas con algunha doenza psíquiátrica, cos obxectivos principais de mellorar a súa estancia no hospital e a súa calidade de vida en xeral

O programa Voluntariado Dixital promovido pola AMTEGA (Axencia para a modernización tecnolóxica de Galicia) en colaboración coa Consellería de Política Social, ten como obxectivo achegar as novas tecnoloxías a unha maior porcentaxe da poboación, favorecendo a inclusión dixital de toda a cidadanía. 

A Dirección xeral de Xuventude, Participación e Voluntariado, dependente da Consellería de Política Social, pon en marcha un novo programa para promover o voluntariado xuvenil nunha área de especial interese e implicación da mocidade como son os festivais de música.